Viasona té indexats 4.170 grups, 10.269 àlbums i 78.836 cançons

Na Maria

Rusó Sala

Lletra

Na Maria, pretz e fina valors

Na Maria, pretz e fina valors
e.l gioi e.l sen e la fina beutatz
e l’acuglir e.l pretz e las onors
e.l gent parlar e l’avinen solatz
e la douz cara e la gaia acundansa
e.l ducz esgart e l’amoros semblan,
qe son en vos, don non avetz egansa
me fan traire vas vos ses cor truan.

Per qe vos prec, si.us platz, qe fin’ amors
e gausiment et doutz umilitatz
me puosca far ab vos tan de socors,
qe mi donetz, bella dompna, si.us platz,
so don plus ai d’aver gioi esperansa,
car en vos ai mon cor e mon talan
e per vos ai tut so c’ai d’alegransa
e per vos vauc mantas ves sospiran.

E car beutas e valors vos enansa
sobra tutas, c’una no.us es denan,
vos prec, se.us plas, per so qe.us es onransa,
qe non ametz entendidor truan.

Bella dompna, cui pretz e gioi enansa,
e gient parlar, a vos mas coblas man,
car en vos es gauss’ e alegransa
et tut lo ben c’om en dona deman.
Desirem - Portada
  • CançóNa Maria
  • AltresEn aquesta cançó hi col·laboren Aleix Tobias i Míriam Encinas
  • Durada 04:18
  • ÀlbumDesirem
  • Any2019
  • DiscogràficaMicroscopi

Compra aquest àlbum

Tens més informació sobre aquesta cançó? Ens la pots fer arribar mitjançant aquest formulari.